കേരളത്തില്‍ പശുവിനെ വേളികഴിച്ചു

ജാതകം അനുകൂലമായി ഒത്തുവന്നില്ല! പരിഹാരമായി ജ്യോത്സന്‍ നിര്‍ദ്ദേശിച്ചത് പശുവിനെ വേളികഴിക്കാന്‍!! സംഭവം പുറത്തെങ്ങുമല്ല; കേരളത്തില്‍ തന്നെ! തന്‍റെ മുജ്ജന്മത്തില്‍ ചെയ്ത ഏതോ ഒരു പാതകം(?) ചൂണ്ടിക്കാട്ടിയാണ് ജ്യോത്സന്‍ അങ്ങനെയൊരു കടുംകെയ് പരീക്ഷിച്ചത്! 

ജ്യോതിഷത്തില്‍ വിശ്വാസമര്‍പ്പിക്കുന്നവര്‍ അല്‍പ്പം ചില പ്രശ്നങ്ങള്‍ക്ക് ഉത്തരം തരേണ്ടിയിരിക്കുന്നു.http://www.youtube.com/watch?v=FexfiEyW6Z8

1- ജാതകം നൂറുശതമാനം ഒത്തുവന്ന എത്രബന്ധങ്ങള്‍ തകര്‍ന്നിട്ടുണ്ട്?
2- ജാതകം പ്രതികൂലമായ എത്ര ബന്ധങ്ങള്‍ സുന്ദരമായ ജീവിതം നയിച്ചിട്ടുണ്ട്, നയിക്കുന്നുണ്ട്?

3- ജാതകം തീരെ പരിഗണിചിട്ടില്ലാത്ത എത്ര ബന്ധങ്ങള്‍ നന്നായി നിലനിക്കുന്നു?
4- കാലം ഏറെ കാത്തിരിപ്പിന് ശേഷം ഏറെ പ്രതികൂലനങ്ങള്‍ മറികടന്നു ഒരു വരനെ ഒത്തുകിട്ടിയ വധുവിനു വീണ്ടും ഒരു ജാതകതിന്റെ പേരില്‍ അവളുടെ വിവാഹ സ്വപ്നം തടയിടുന്നതിനെ ന്യായീകരിക്കാമോ ?

5- അങ്ങെവിടെയോ കിടക്കുന്ന ഗ്രഹനില നമ്മുടെ വൈവാഹിക ജീവിതത്തെ നേരിട്ട് ബാധിക്കുന്നു എന്ന് പറയുന്നത് എത്രമാത്രം ബാലിശമാണ്. !

6- നിങ്ങളുടെ പ്രിയപ്പെട്ട മകള്‍ക്ക്/മകന് വിവാഹം ചെയ്യുന്നതോട് കൂടി മാനഹാനി സംഭവിക്കും എന്ന് ജാതകം വഴി ഗണിക്കപ്പെട്ടാല്‍ ആ മകനെ/മകളെ ആജീവനാന്തം ഒരു വിഭാര്യ(യാ)നാക്കാന്‍ നിങ്ങള്‍ തുനിയുമോ അതോ ജാതക(നുമായി)വുമായി ഒരു നീക്കുപോക്കിനു (ADJUSTMENT) ന് തയ്യാറാകുമോ?

7- സന്താന നഷ്ടം , ധനനഷ്ടം , പദവി , അപകടം , സൌഭാഗ്യം , ദൗര്‍ഭാഗ്യം , പ്രതികാരം , ഉപകാരം എന്നിത്യാതി ഏതൊരു മനുഷ്യന്‍റെയും ദൈനംദിന ജീവിതവ്യവഹാരങ്ങളെ കേവല സാധ്യതക്കണക്കിന്‍റെ പേരില്‍ അന്ധ വിസ്വാസിളാക്കി മാറ്റുന്നത് (ചൂഷണം ചെയ്യുന്നത്) എത്രമാത്രം ജുഗുപ്സാവഹമല്ല!!!

8- ജാതക ഗണിതത്തിനു ഒരിക്കലും തെറ്റ് പറ്റില്ല എന്ന് ഉറച്ചു (100%) വിശ്വസിക്കുന്നുണ്ടോ നിങ്ങള്‍? ഇല്ലെങ്കില്‍ എന്തുകൊണ്ട്?

9- ജാതകം മനുഷ്യന് ഇതപ്പര്യന്തം ദോഷമോ അതോ ഗുണമോ സംഭാവന ചെയ്തിട്ടുള്ളത്?

10- കവടികള്‍ നിരത്തി ഒരുഗ്രന്‍ പരിഹാരമായി പശുവിനെ മംഗല്യം കഴിക്കാന്‍ ഇവിടെ നിര്‍ദ്ദേശിച്ച ഈ നിര്‍ദ്ദേശം അംഗീകരിക്കാന്‍ ജ്യോതിഷത്തില്‍ വിശ്വസിക്കുന്നവര്‍ക്ക് അല്‍പ്പം വൈമനസ്യമുണ്ടോ? അങ്ങനെ വൈമനസ്യപ്പെടാന്‍ ന്യായമായി അവര്‍ക്ക് എന്തവകാശം എന്തര്‍ഹത ?!